2سے 4مارچ کے دوران پنجاب کے بیشتر اضلاع میں بارشوں کاامکان

لاہور(قدرت روزنامہ)پی ڈی ایم اے نے پنجاب میں مزید بارشوں کا الرٹ جاری کردیا۔

نجی ٹی وی چینل دنیا نیوز کے مطابق 2سے 4مارچ کے دوران صوبے کے بیشتر اضلاع میں بارشوں کاامکان ہے،مری، گلیات سمیت پہاڑی علاقوں میں بارش اور برفباری کی بھی پیش گوئی کی گئی ہے،ڈی جی پی ڈی ایم اے نے کمشنرز اور ڈپٹی کمشنرز کو الرٹ رہنے کی ہدایت کردی۔واسا، ریسکیو، محکمہ آبپاشی، لائیو سٹاک اور دیگر متعلقہ محکموں کو الرٹ جاری کردیاگیا۔

ترجمان کے مطابق راولپنڈی، جہلم، اٹک، چکوال، سرگردھا، میانوالی اور خوشاب میں بارش کی پیش گوئی کی گئی ہے،خوشاب ،منڈی بہاءالدین، لاہور، شیخوپورہ، ملتان اور حافظ آباد میں بھی بارش ہو سکتی ہے۔