بارش نے قذافی سٹیڈیم کے تعمیراتی معیار کا پول کھول دیا
لاہور (قدرت روزنامہ) آئی سی سی چیمپئنز ٹرافی سے قبل ریکارڈ مدت میں تیار ہونے والے قذافی سٹیڈیم کے تعمیراتی معیار کا بارش نے پول کھول دیا۔
تفصیل کےمطابق لاہور میں قائم قذافی سٹیڈیم کی تیاری میں دن رات کو ایک کیا گیا اور کم وقت میں سٹیڈیم بنانے کا ریکارڈ اپنے نام کیا گیا۔لاہور میں آج کل موسم خوشگوار ہے اور بادل برس بھی رہے ہیں جس نے سٹیڈیم کے تعمیراتی معیار کا پول کھول دیا ہے۔
جیونیوز کے مطابق گزشتہ دنوں آدھے گھنٹے سے بھی کم وقت میں ہونے والی بارش کے باعث ایک وی آئی پی انکلوژر کے واش روم کی چھت ٹپکنا شروع ہوگئی۔
واضح رہے کہ قذافی اسٹیڈیم آئی سی سی چیمپئنز ٹرافی کے لیے حال ہی میں تیار کیا گیا تھا جس کے بعد چیئرمین پی سی بی کی جانب سے کام کرنے والے ملازمین کے اعزاز میں ایک تقریب بھی رکھی تھی۔