کراچی میں چوری کی انوکھی واردات، چور ڈرامائی انداز میں دکان سے رقم لے اڑے

اسلام آباد (قدرت روزنامہ)کراچی میں چوری کی انوکھی واردات سامنے آئی ہے جہاں چور ڈرامائی انداز میں موبائل کی دکان سے رقم لوٹ کر فرار ہوگئے۔
میڈیا رپورٹس کے مطابق واقعہ کراچی کی گلشن اقبال موبائل مارکیٹ میں پیش آیا، جس کی سی سی ٹی وی ویڈیو بھی سامنے آگئی ہے۔
ویڈیو کے مطابق ایک شخص نے جاتے جاتے آٹا زمین پر گرایا اور پھر دکاندار کو مدد کے لیے باہر بلایا۔
دکاندار اس شخص کی مدد کے لیے دکان سے باہر آیا تو دوسرا ملزم چپکے سے دکان میں داخل ہوا اور کاؤنٹر سے رقم چوری کرکے فرار ہوگیا۔
پولیس نے بتایا ہے کہ سوشل میڈیا پر وائرل ہونے والی ویڈیو کے بعد ملزمان کی تلاش جاری ہے، تاہم متاثرہ دکاندار نے تاحال رابطہ نہیں کیا۔
واضح رہے کہ اس سے قبل فیصل آباد میں بھی پیزا بوائے سے ملزمان پیزا لے کر بھی فرار ہوگئے تھے۔ اور ایسی کئی اور وارداتیں بھی سامنے آچکی ہیں۔