محکمہ معدنیات اور ضلعی انتظامیہ نےافغان باشندوں کو کوئلہ کانوں میں مزوری سے روک دیا ،مراسلہ جاری

کوئٹہ(قدرت روزنامہ) محکمہ معدنیات اوربلوچستان کی ضلعی انتظامیہ نے صوبے کے مختلف اضلاع میں کوئلہ کانوں میں افغان باشندوں کی مزدوری پر پابندی عائد کردی ہے محکمہ معدنیات مراسلے کے مطابق، دکی، چمالانگ، ہرنائی، کوئٹہ، اور مچھ کی ضلعی انتظامیہ نے کوئلہ کانوں کے مالکان کو ہدایت کی ہے کہ وہ افغان باشندوں کو اپنی کوئلہ کانوں سے نکال دیں اور آئندہ کسی افغان باشندے کو ان کانوں میں مزدوری نہ رکھی جائے بلوچستان کے محکمہ معدنیات کا کہنا ہے کہ بلوچستان کے مختلف علاقوں کی کوئلہ کانوں میں دس سے پندرہ ہزار افغان باشندے مختلف کاموں میں مشغول ہیں۔
انتظامیہ کے مطابق افغان باشندوں کو کوئلہ کانوں میں کام کرنے سے روکنے کے لیے اقدامات اٹھائے گئے ہیں تاکہ مقامی محنت کشوں کو ترجیح دی جا سکے اور غیر قانونی سرگرمیوں کا سدباب کیا جا سکےمحکمہ معدنیات نے اس فیصلے کی توثیق کی ہے اور کہا ہے کہ یہ اقدام صوبے کے معدنی وسائل کے انتظام کو بہتر بنانے اور قانون کی پاسداری کو یقینی بنانے کے لیے اٹھایا گیا ہےاس حکم کے تحت آئندہ کسی افغان باشندے کو بھی کوئلہ کانوں میں کام کرنے کی اجازت نہیں دی جائے گی۔
یو این اے کے مطابق ضلعی انتظامیہ نے اس فیصلے کو نافذ کرنے کے لیے سخت نگرانی اور چیکنگ کے اقدامات کی ہدایت بھی کی ہے یہ اقدام افغانستان سے تعلق رکھنے والے محنت کشوں کی بڑھتی ہوئی تعداد کے ساتھ بلوچستان میں کام کرنے والے مقامی افراد کے حقوق کا تحفظ کرنے کی غرض سے کیا گیا ہے، تاکہ مقامی افراد کو روزگار کے مواقع فراہم کیے جا سکیں ضلعی انتظامیہ کا یہ اقدام افغان باشندوں کو کوئلہ کانوں سے نکالنے کے لیے ضروری سمجھا جا رہا ہے تاکہ صوبے میں موجود مزدوروں کے حقوق کا تحفظ کیا جا سکے اور محنت کی منصفانہ تقسیم کو یقینی بنایا جا سکے۔