چیمپیئنز ٹرافی کے دوران بہترین سیکیورٹی انتظامات پر آئی سی سی پاکستان کی معترف

اسلام آباد (قدرت روزنامہ)منیجر آئی سی سی سیفٹی اینڈ سیکیورٹی نے چیمیپئنز ٹرافی 2025 کے میچز کے دوران بہترین سیکیورٹی انتظامات پر پاکستان کی تعریف کی ہے۔
منیجرآئی سی سی سیفٹی اینڈ سیکیورٹی ڈاکٹر ڈیومسکر نے چیمپیئنز ٹرافی کے انتظامات پر پاکستان کی تعریف کرتے ہوئے پاک آرمی ، رینجرز اور پولیس کا شکریہ ادا کیا ہے۔
ڈاکٹر ڈیومسکر نے کہا ہے کہ ٹورنامنٹ شروع ہونے سے پہلے ٹیموں کو پاکستان آنے پر تحفظات تھے تاہم پورے ٹورنامنٹ میں پاکستان کے سیکیورٹی اداروں نے بھرپور تعاون کیا۔
انہوں نے کہا ’مجھے ذاتی طور پر کوئی شک نہیں کہ یہاں پروفیشنلزم شاندار تھی، ٹورنامنٹ سے پوری دنیا میں پاکستان، عوام اور سیکیورٹی اداروں کا مثبت امیج جائے گا۔‘
ان کا کہنا تھا کہ یہ ٹورنامنٹ بہت شاندار رہا ہے۔