الو ارجن کے ساتھ فلم میں کام کرنا چاہتی ہوں، کریتی سینن
ممبئی(قدرت روزنامہ)بالی ووڈ اداکارہ کریتی سینن نے کہا ہے کہ وہ الو ارجن کے ساتھ فلم میں کام کرنا چاہتی ہیں۔
بھارتی میڈیا کے مطابق معروف بالی ووڈ اداکارہ کریتی سینن اپنی ہالیہ فلم دو پتی میں اپنی اداکاری کے لیے انڈین فلم اکیڈمی ایوارڈز کے لیے خاصی پُر امید ہیں.
انہوں نے کہا کہ وہ شروع میں اس فلم کے لیے خاصی پریشان تھیں، لیکن بعد میں یہ فلم سب کو پسند آئی ہے۔
سینسر شپ پابندیوں کے حوالے سے اداکارہ نے کہا کہ سینما پر ریلیز ہونے والی فلمز پر پابندیاں ہیں لیکن ڈیجیٹل پلیٹ فارمز پر آنے والی فلمز پر ایسی کوئی پابندی نہیں ہوتی، چاہے اس پر مواد بھارتی ہو یا غیر ملکی اس میں توازن ہونا چاہیے۔
اداکارہ کریتی نے اپنے نئے آنے والے پراجیکٹس کے حوالے سے بتایا ہے کہ وہ فلم تیرے عشق کی شوٹنگ میں مصروف ہیں جس میں ان کے ساتھ آنند رائے اور دھنوش فلم کا حصہ ہیں۔
جب ان سے پوچھا گیا کے آگے وہ کن شخصیات کے ساتھ فلم میں کام کرنا چاہیں گی؟ جس کے جواب میں اداکارہ نے کہا کہ وہ الو ارجن کے ساتھ کام کرنے کی خواہش مند ہیں، اس کے علاوہ وہ فلم ساز ایس ایس راجہ ماؤلی کے ساتھ کام کرنا چاہتی ہیں۔
