ملک کے مختلف علاقوں میں تیز ہواؤں اور گرج چمک کے ساتھ بارش اور پہاڑوں پر برفباری کا امکان،موسمیات

اسلام آباد(قدرت روزنامہ)آج بروز منگل کے روز خیبرپختونخوا ، شمالی بلو چستان، خطہ پوٹھوہار، شمال مشرقی پنجاب، کشمیر ،گلگت بلتستان میں چند مقاما ت پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ۔ ملک کےدیگر علاقوں میں مطلع جزوی ابرآلود رہنے کا امکان ۔

گزشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ تاہم بالائی خیبرپختونخوا ،خطہ پو ٹھو ہار،کشمیر اورگلگت بلتستان میں چند مقامات پر بارش ہوئی۔سب سے زیادہ بارش (ملی میٹر): خیبرپختونخوا: مالم جبہ 29،پٹن 27، دیر (اوپر 21 اور لوئر 16)،کالام 17، سیدو شریف 10، کا کول 06، بالاکوٹ05، سیدو شریف 04، میر کھانی،دروش 03، با چا خان (ائر پورٹ)، پٹن 02،چترال،پشاور، چراٹ 01، گلگت بلتستان: استور 06، ہنزہ 04 ، بو نجی02، سکردو 05، بگروٹ 01، کشمیر: گڑھی دو پٹہ 06،مظفرآباد ،راولا کوٹ، کو ٹلی 02 ، پنجاب: مری میں 01ملی میٹر بارش ریکارڈ کیا گیا۔سب سے زیادہ برفباری (انچ): اس دوران استور میں 04 انچ برفباری بھی ریکارڈ ہوئی۔

آج ریکارڈکئے گئے کم سےکم درجہ حرارت: لہہ منفی06، گوپس، بگروٹ منفی 02، پاڑاچنار میں منفی 01 ڈگری سینٹی گریڈ ریکارڈ کیا گیا ۔