پنجاب میں گردوں کے علاج کی بہترین اور مفت سہولیات فراہم کررہے ہیں: وزیر اعلیٰ مریم نواز
لاہور ( قدرت روزنامہ )وزیراعلیٰ پنجاب مریم نواز نے کہا ہے کہ گردوں کے عالمی دن پر گردوں کا عطیہ کرنے والے تمام افراد کو خراج تحسین پیش کرتی ہوں۔ صحت مند زندگی کے لیے گردوں کی صحت کا خیال رکھنا بہت ضروری ہے۔
وزیراعلیٰ مریم نواز نے گردوں کے امراض کے عالمی دن پراپنے پیغام میں کہا کہ پنجاب میں گردوں کے علاج کی بہترین اور مفت سہولیات فراہم کررہے ہیں۔ قائد محمد نواز شریف کی جانب سے شروع کی گئی مفت ڈائیلسز کی سہولیات کو مزید بہتر کیا جائے گا۔ گردوں کے امراض کے مستند علاج کے لیے ٹرانسپلانٹ کارڈ شروع کیا جارہاہے۔گردوں کے امراض کے علاج میں مصروف تمام ڈاکٹرز نرسنگ سٹاف کی کاوشیں قابل تحسین ہیں۔