کراچی کی کن سڑکوں پر رکشوں اور ٹیکسی گاڑیوں کا داخلہ بند ہوگا؟ نیا ٹریفک پلان جاری


کراچی (قدرت روزنامہ)کراچی ٹریفک پولیس نے شہر کے اہم علاقوں میں ٹریفک کی روانی بہتر بنانے کے لیے پلان ترتیب دے دیا ہے۔
پلان کے مطابق 3 تلوار پر رکشہ، ٹیکسی یا اون کال ٹیکسی کا داخلہ ممنوع ہوگا، 3 تلوار پر رش ہونے کی صورت میں کلفٹن برج ریس کورس، چودھری خلیق الزمان روڈ کا استعمال کیا جاسکتا ہے۔
طارق روڈ اللہ والی سے اتحاد سگنل، صدر، فوارہ چوک سے جی پی اواور سنگر چوک سے زیب النساء تک رکشوں اور ٹیکسی گاڑیوں کا داخلہ ممنوع ہوگا۔
جامع کلاتھ تبت چوک سے عید گاہ چوک تک بھی رکشے اور ٹیکسی گاڑیاں داخل نہ ہوسکیں گی جبکہ ملینئیم ڈرگ روڈ سے آنے والی ٹریفک ملینئیم برج سے نیپا جاسکے گی۔ حیدری مارکیٹ والی سڑک پر رکشہ اور ٹیکسی کا داخلہ ممنوع ہوگا اور نارتھ کراچی سے کمرشل ٹریفک کو 5 اسٹار چورنگی سے شپ اونر چورنگی اور لنڈی کوتل چورنگی موڑاجائے گا۔
بورڈ آفس سےٹریفک کے ڈی اے چورنگی سے ضیاء الدین چورنگی اور پہاڑ گنج موڑا جائے گا۔

Leave a Reply

Your email address will not be published. Required fields are marked *