لاہور بڑی تباہی سے بچ گیا، ایک دہشگرد گرفتار،ساتھی فرار
لاہور(قدرت روزنامہ) سی ٹی ڈی نے لاہور کو بڑی تباہی سے بچا لیا، سٹی ٹی ڈی اور دہشتگردوں کے درمیان شدید فائرنگ کے تبادلے میں ایک دہشتگرد گرفتار جبکہ اس کا ساتھی فرار ہوگیا۔
ترجمان سی ٹی ڈی کے مطابق دو خطرناک دہشت گردوں کی گرفتاری کے لیے کاروائی کی گئی جس پر دہشت گردوں نے فائرنگ کر دی۔کراس فائرنگ کے نتیجے میں ایک خطرناک دہشت گرد زخمی حالت میں فرار ہو گیا جبکہ ایک خودکش دہشت گرد گرفتار کر لیا گیا۔ ترجمان کے مطابق دہشت گرد خودکش جیکٹ ، سیفٹی فیوز وائر، بارودی مواد برآمد کر لیا گیا، دہشت گردوں کی اطلاع ملتے ہی اعلیٰ پولیس افسران موقع پر پہنچ گئے۔
سی ٹی ڈی ٹیموں نے برکی کے نواہی علاقوں کو گھیرے میں لے کر سرچ اپریشن شروع کر دیا ہے، خودکش دہشت گرد کی شناخت حافظ شمس کے نام سے ہوئی جوکہ بلوچستان کا رہائشی ہے دہشت گرد کا تعلق تحریک طالبان سے ہے۔ سی ٹی ڈی ترجمان نے بتایا کہ دہشت گرد لاہور پر بڑے حملے کی منصوبہ بندی مکمل کر چکے تھے، سی ٹی ڈی نے مقدمہ درج کر کے مزید تفتیش شروع کر دی ہے۔