کسی نے ہماری بات نہیں سنی اب اختیارت فارم 47والو ں کے پاس ہیں ،سرداراختر مینگل

کوئٹہ(قدرت روزنامہ)سربراہ بی این پی سرداراخترمینگل نے کہا ہے ہمارے وسائل سے لوٹ مارکرکے بلوچستان کا ستیاناس کر دیا گیا۔نجی ٹی وی پروگرام میں گفتگوکرتے ہوئے سردار اختر مینگل نے کہاکہ بہت کچھ ہوسکتا تھا،اگر سیاسی جماعتوں کا مقصد صرف اقتدار نہ ہوتا توچیزیں سنبھل سکتی تھیں۔انہوں نے کہا کہ بدقسمتی سے ہم نے سیاسی جماعتو ں کوبھی آزمایا، ریاست ،ریاستی اداروں کوبھی ہم نے سمجھانے کی کوشش کی، بلوچستان کوایک صوبے کی حیثیت سے دیکھیں توصوبے کے لوگ آپ کیساتھ چلنے کیلئے تیارہیں۔انہوں نے کہا کہ ہم اورکچھ نہیں مانگتے ہمیں صرف عزت چاہیے، ہمارے وسائل پردسترس ہماری ہونی چاہیے، ہوناتویہ چاہیے تھا کہ وہ اپنی حرکتیں صحیح کرتے، ہمارے وسائل سے لوٹ مارکرکے ستیاناس کر دیا گیا۔ انہوں نے کہا کہ مطالبات کس کے سامنے رکھیں؟ میں نے سپریم کورٹ میں مطالبات پیش کیے، میں نے6نکات پیش کیے،کوئی بھی نکتہ آئین سے ہٹ کرنہیں تھا، میں نے کہا ہم علیحدگی کی طرف نہیں جارہے، مطالبات تھے کہ بلوچستان کیساتھ ہونی والی زیادتیوں کیذمہ داروں کوکٹہریمیں لایاجائے۔ انہوں نے کہاکہ کسی نے ہماری بات نہیں سنی، ہماری آوازکوبرداشت نہیں کیاگیا، ہمیں اسمبلی سے آئوٹ کر دیا گیا، اب اختیارات فارم47والوں کے پاس ہیں، ہم توبے بس ہیں ہم نے توہاتھ اٹھا لئے ہیں۔