سونا سستا ہوگیا۔۔ گزشتہ روز فی تولہ سونے کی کیا قیمت رہی؟

اسلام آباد (قدرت روزنامہ)آل پاکستان صرافہ جیولرز ایسوسی ایشن کے مطابق، خالص 24 قیراط سونے کی فی تولہ قیمت مزید 300 روپے کم ہو کر 3 لاکھ 13 ہزار 700 روپے پر آ گئی ہے، جو حالیہ دنوں میں نمایاں کمی ہے۔
اسی طرح، 24 قیراط 10 گرام سونا 257 روپے سستا ہو کر 2 لاکھ 68 ہزار 947 روپے پر فروخت ہو رہا ہے، جبکہ 22 قیراط 10 گرام سونے کی قیمت بھی 236 روپے کی کمی کے بعد 2 لاکھ 46 ہزار 543 روپے تک پہنچ گئی ہے۔
دوسری جانب، عالمی منڈی میں بھی سونے کے نرخوں میں اتار چڑھاؤ جاری ہے۔ بین الاقوامی مارکیٹ میں فی اونس سونا 4 ڈالر کی کمی کے ساتھ 2 ہزار 984 ڈالر پر آ گیا، جس کے اثرات مقامی مارکیٹ میں بھی دیکھے جا رہے ہیں۔