وزیر اعلیٰ مریم نواز کا ورلڈ سپیشل اولمپکس میں 6 گولڈ میڈل سمیت 11 میڈلز جیتنے پر سپیشل ہیروز کوخراج تحسین
لاہور ( قدرت روزنامہ )وزیر اعلیٰ پنجاب مریم نواز نے ورلڈ سپیشل اولمپکس میں پاکستان کے سپیشل ہیروز کو 6 گولڈ میڈل سمیت 11 میڈلز جیتنے پر خراج تحسین پیش کیا ہے۔ وزیر اعلیٰ مریم نواز نے سپیشل قومی ہیروز کے لیے نیک خواہشات کا اظہار کیا اور کہا کہ سپیشل ایتھلیٹس کی کامیابی پوری قوم کے لیے فخر کا لمحہ ہے اور ہمت اور لگن کا پیغام بھی۔ سپیشل ہیروز نے ثابت کر دیا کہ محنت، حوصلہ اور عزم کے سامنے کوئی رکاوٹ حائل نہیں ہو سکتی۔
وزیراعلیٰ مریم نواز نے کہا کہ قومی پرچم عالمی میدان میں بلند کرنے والے سپیشل کھلاڑی قوم کے ہیروز ہیں۔ پنجاب حکومت سپیشل کھلاڑیوں کی مکمل سرپرستی جاری رکھے گی۔