جلدی کریں کہیں دیر نہ ہوجائے! حکومت نے سرکاری نوکریوں کا اعلان کردیا، اپلائے کرنیکا طریقہ

اسلام آباد (قدرت روزنامہ)فیڈرل پبلک سروس کمیشن نے مختلف سرکاری محکموں میں متعدد ملازمتوں کے مواقع کا اعلان کیا ہے، جو کہ مشتہر شدہ اشتہار نمبر 1/2025 کے تحت دیے گئے ہیں۔
دلچسپی رکھنے والے امیدوار 7 اپریل 2025 تک درخواست دے سکتے ہیں۔
انٹرویو کیلئے شارٹ لسٹنگ کا معیار
امیدواروں کو فیڈر ل پبلک سروس کمیشن کی جنرل ہدایات کے مطابق شارٹ لسٹ کیا جائے گا۔ صرف وہی امیدوار، جو اپنے متعلقہ کوٹے میں مقررہ میرٹ پر پورا اتریں گے، انٹرویو کے لیے مدعو کیے جائیں گے۔
منتخب امیدواروں کے لیے درکار دستاویزات
تحریری امتحان یا ٹیسٹ کے بعداعلیٰ میرٹ پر آنے والے امیدواروں کو فیڈر ل پبلک سروس کمیشن کی جانب سے نوٹس جاری ہونے کے 15 دن کے اندر درج ذیل تصدیق شدہ دستاویزات جمع کرانی ہوں گی
دو پاسپورٹ سائز تصاویر
تعلیمی اسناد (میٹرک، انٹرمیڈیٹ، بیچلرز، ماسٹرز، ایم فل، پی ایچ ڈی)
قومی شناختی کارڈ
تجربہ سرٹیفکیٹ (اگر مطلوب ہو) جس میں ملازمت کی نوعیت اور تفصیلات درج ہوں
ڈومیسائل سرٹیفکیٹ
سرکاری ملازمین کے لیے محکماتی اجازت نامہ
غیر تحریری امتحانی کیسز کے لیے اصل ٹریژری رسید
ایچ ای سی یا متعلقہ ادارے سے جاری کردہ مساوی تعلیم کا سرٹیفکیٹ (اگر لاگو ہو)
امیدواروں کو یہ یقینی بنانا ہوگا کہ ان کا تجربہ کسی معروف قومی یا بین الاقوامی تنظیم سے حاصل کیا گیا ہو، جو حکومت سے باقاعدہ تسلیم شدہ ہو۔
اگر مقررہ وقت میں مکمل اور درست دستاویزات فراہم نہ کی گئیں تو امیدوار نااہل قرار دیا جا سکتا ہے۔
فیڈر ل پبلک سروس کمیشن کی جانب سے دستاویزات جمع کرانے کی درخواست موصول ہونا، انٹرویو کی یقین دہانی نہیں ہے، کیونکہ حتمی انتخاب میرٹ اور دستاویزات کی جانچ پڑتال پر منحصر ہوگا۔
اہلیت کے معیار
تمام امیدواروں کی اہلیت اشتہار کی آخری تاریخ یعنی 7 اپریل 2025 کے مطابق طے کی جائے گی۔
اسکریننگ ٹیسٹ کے داخلہ سرٹیفکیٹس
فیڈرل پبلک سروس کمیشن اسکریننگ یا تفصیلی امتحانات کے لیے داخلہ سرٹیفکیٹس اپنی ویب سائٹ پر امتحان کی تاریخ سے چند ہفتے قبل اپلوڈ کرے گا۔
امیدواروں کو ہدایت کی جاتی ہے کہ وہ ویب سائٹ باقاعدگی سے چیک کریں کیونکہ فیڈر ل پبلک سروس کمیشن ڈاک کے ذریعے کوئی اطلاع نہیں بھیجے گا۔ ایس ایم ایس کے ذریعے اطلاعات دی جا سکتی ہیں۔
فیڈر ل پبلک سروس کمیشن امتحانی شیڈول اور ضروریات
ان آسامیوں کے لیے تحریری امتحان یا ٹیسٹ 24 مئی 2025 سے شروع ہونے کا امکان ہے۔ حتمی شیڈول اور نصاب فیڈر ل پبلک سروس کمیشن کی ویب سائٹ پر اشتہار جاری ہونے کے بعد شائع کیا جائے گا۔
امیدواروں کو اسکریننگ/تحریری امتحان میں شرکت کے لیے درج ذیل دستاویزات ساتھ لانا ہوں گی:
اصل قومی شناختی کارڈ
اصل ٹریژری رسید
پرنٹ شدہ داخلہ سرٹیفکیٹ
ٹریژری رسید یا بینک سکرول کی فوٹو کاپی قابل قبول نہیں ہوگی۔ امیدواروں کو مشورہ دیا جاتا ہے کہ وہ اصل ٹی آر محفوظ رکھیں تاکہ کسی قسم کی پریشانی سے بچا جا سکے۔
امتحانی مرکز کی تبدیلی
امیدوار امتحان کے آغاز سے کم از کم ایک ماہ قبل آن لائن درخواست دے کر اپنا امتحانی مرکز تبدیل کروا سکتے ہیں۔
اہم وضاحت
فیڈر ل پبلک سروس کمیشن نے واضح کیا ہے کہ امیدواروں کی ذمہ داری ہے کہ وہ بھرتی سے متعلق تمام معلومات سے باخبر رہیں۔ فیڈر ل پبلک سروس کمیشن کی سرکاری ویب سائٹ ہی تمام تازہ ترین اپ ڈیٹس کا بنیادی ذریعہ ہے، جن میں شامل ہیں:
امتحانی شیڈول
نصاب
داخلہ سرٹیفکیٹ
مطلوبہ دستاویزات
انٹرویو کے نوٹس
امیدواروں کو تجویز دی جاتی ہے کہ وہ فیڈر ل پبلک سروس کمیشن کی ویب سائٹ باقاعدگی سے وزٹ کریں تاکہ کسی اہم اپ ڈیٹ سے محروم نہ رہیں۔