اسلام آباد ہائیکورٹ : عمران خان کی جیل ملاقاتوں کا ریکارڈ طلب، بانی متعدد کیسز سے بری، رہا کیاجائے ، تحریک انصاف کا مطالبہ
اسلام آباد(قدرت روزنامہ)اسلام آباد ہائی کورٹ کے قائم مقام چیف جسٹس سرفراز ڈوگر کی سربراہی میں لارجر بینچ نے بانی پی ٹی آئی کی جیل ملاقاتوں سےمتعلق درخواستوں پر سماعت کی۔بینچ میں جسٹس ارباب محمد طاہر اور جسٹس محمد اعظم خان شامل تھے۔
سماعت کےدوران سپرنٹنڈنٹ اڈیالہ جیل عبدالغفور انجم عدالت کے سامنے پیش ہوئے اور بتایا کہ بانی پی ٹی آئی عمران خان کو شیڈول کے علاوہ اور جیل مینوئل سےہٹ کربھی ملاقاتیں کروائی جارہی ہیں، جبکہ تحریک انصاف کے رہنماوں کا کہنا ہے کہ انہیں نہ ملنے کی اجازت دی جارہی ہے اور نہ ہی عمران خان کو رہا کیا جارہا ہے .
تحریک انصاف کے مرکزی رہنمائوں کا کہنا تھا کہ عمران خان متعدد کیسز میں بری ہوچکے ہیں مگر انہیں رہانہیں کیا جارہاہے . تحریک انصاف عدالتی فیصلوں پر فوری عملدرآمدیقینی بنانے کا مطالبہ کرتی ہے .
عدالت نے سپرنٹنڈنٹ جیل سےملاقات کرنے والوں کا مکمل ریکارڈ طلب کرتے ہوئےبانی پی ٹی آئی کی جیل ملاقاتوں کے طریقہ کار پر رپورٹ پیش کرنے کا حکم دے دیا۔ کیس کی مزید سماعت چوبیس مارچ تک ملتوی کر دی گئی۔