ثانیہ سے طلاق کی وجہ؟ شعیب کی بہنوں کے تہلکہ خیز انکشافات
لاہور(قدرت روزنامہ)پاکستان کرکٹ ٹیم کے سابق کپتان شعیب ملک کی بہنوں نے بھارتی ٹینس سٹار ثانیہ مرزا سے بھائی کی طلاق کی وجہ بتا کر سب کو حیران کردیا۔ شعیب ملک اور ثانیہ مرزا کی شادی کے مسائل 2022 سے میڈیا کی توجہ کا مرکز بنے ہوئے ہیں لیکن 20 جنوری 2024 کو پاکستان اور بھارت میں ایک ساتھ طوفان برپا کرتے ہوئے شعیب ملک نے ثناء جاوید کے ساتھ شادی کی تصاویر جاری کیں جس کے بعد سوشل میڈیا پر اس شادی پر تنقید کا سلسلہ شروع ہوگیا۔
جہاں ایک طرف شعیب اور ثناء کی شادی زیرِ بحث تھی وہیں دوسری جانب ثانیہ مرزا کے والد نے بھارتی خبر رساں ادارے سے گفتگو کرتے ہوئے یہ بتایا کہ ‘ثانیہ مرزا نے شعیب ملک سے خلع لی تھی’۔ سٹار جوڑی کے چاہنے والے اس خبر کو قبول کرنا نہیں چاہتے تھے لیکن بالآخر انہیں ایسا کرنا پڑا کیونکہ بات اب دونوں کے درمیان علیحدگی کی افواہ کی نہیں تھی بلکہ شعیب ملک کی دوسری شادی کی تصاویر بھی منظرِ عام پر آچکی تھیں۔ یاد رہے کہ ثانیہ مرزا نے سال 2010 میں پاکستانی کرکٹر شعیب ملک سے محبت کی شادی کی تھی جن سے ان کا ایک بیٹا اذہان مرزا ملک 2018 میں پیدا ہوا۔شعیب ملک اور ثانیہ مرزا کی شادی 13 سال چلنے کے بعد 2023 میں ختم ہوگئی اور شعیب ملک نے جنوری 2024 میں اداکارہ ثناء جاوید سے اپنی شادی کی تصاویر جاری کردیں۔ دو جوڑوں کے ٹوٹنے کے نتیجے میں بننے والی اس نئی جوڑی کو شدید تنقید کا سامنا بھی رہا لیکن دونوں نے سب کچھ نظر انداز کیا اور رواں سال اپنی شادی کی پہلی سالگرہ بھی منالی۔
بھارتی میڈیا پر شعیب ملک کی بہنوں کے بیان زیرِگردش ہیں۔ انہوں نے اپنے بھائی کی شادی سے متعلق کچھ حیران کن تفصیلات شیئر کی ہیں۔شعیب کی بہنوں نے شعیب اور ثانیہ مرزا کی طلاق کے پیچھے کی وجہ سے متعلق لب کشائی کی۔ رپورٹ کے مطابق بہنوں نے شعیب کی علیحدگی پر تشویش کا اظہار کیا اور تصدیق کی کہ شعیب کے نکاح میں خاندان نے شرکت نہیں کی۔ رپورٹ میں یہ بھی بتایا گیا کہ شعیب ملک کی بہنوں نے خلع کی اصل وجہ پر سے پردہ ہٹاتے ہوئے کہا کہ ‘ثانیہ مرزا، شعیب کے ایکسٹرا میریٹل افیئرز سے ناخوش تھیں اور انہوں نے کافی عرصہ اسے نظر انداز کرنے کے بعد علیحدگی کا فیصلہ لیا۔ 21 جنوری 2024 کو، ثانیہ کی بہن انعم مرزا نے انسٹاگرام پر ایک نوٹ شیئر کیا جس میں کہا کہ ثانیہ نے شعیب سے کئی ماہ پہلے علیحدگی اختیار کر لی تھی اور انہوں نے شعیب کے لیے نیک تمناؤں کا اظہار کیا۔ انعم نے ثانیہ کی پرائیویسی کی ترجیح پر زور دیا اور اس حساس وقت میں ثانیہ کے احساسات کا احترام کنے کی بھی درخواست کی۔
انعم مرزا سے قبل ثانیہ مرزا کے والد عمران مرزا نے بھارتی میڈیا سے بات کرتے ہوئے تصدیق کی تھی کہ ثانیہ نے شعیب ملک سے خلع لی ہے۔ یاد رہے کہ اسلام میں خلع ایک ایسا طلاق ہے جو بیوی کی طرف سے دی جاتی ہے، جس کے تحت بیوی کو علیحدگی کا حق ملتا ہے۔ یہ طلاق کے ایک مساوی حق کی ضمانت دیتا ہے جبکہ طلاق عام طور پر شوہر کی طرف سے دی جاتی ہے۔