پاک افغان طورخم سرحد 28 روز بعد پیدل آمدورفت کیلئے کھول دی گئی
خیبر (قدرت روزنامہ ) پاکستان اور افغانستان کے درمیان طورخم سرحدی گزرگاہ 28 روز بعد پیدل آمدورفت کے لیے کھول دی گئی۔
نجی ٹی وی جیونیوز نے امیگریشن حکام کے حوالے سے بتایا کہ طورخم سرحدی گزرگاہ پر 28 روز بعد پیدل آمدورفت شروع ہوگئی ہے، افغانستان جانے والوں کی ایک بڑی تعداد اس وقت طورخم امیگریشن سیکشن میں موجود ہے تاہم صرف پاسپورٹ ویزا کے حامل مسافروں کو افغانستان آمدورفت کی اجازت ہے۔
حکام کے مطابق طورخم سرحد کے راستے افغانستان کو یومیہ اوسطاً 10 ہزار افراد کی آمدورفت ہوتی ہے۔
حکام کا بتانا ہے کہ21 فروری کو پاکستان اور افغانستان کے درمیان کشیدگی کے باعث طورخم سرحدی گزرگاہ ہرقسم آمدورفت کے لئے بند کر دی گئی تھی تاہم تجارت کے لئے3 روز قبل طورخم سرحدکو کھول دیا گیا تھا۔
پاک افغان فورسز کی کشیدگی کے دوران امیگریشن سسٹم فائرنگ کا نشانہ بنا تھا اور امیگریشن سسٹم میں فنی خرابی کے باعث پیدل آمدورفت معطل رہی۔