ڈسکہ الیکشن میں دھاندلی کی دھند پھیلانے کے ذمےدار عمران خان ہیں، مریم اورنگزیب
ان کا کہنا ہے کہ عمران صاحب کو خلاف الیکشن قوانین کے مطابق سزا ملنی چاہئیے، الیکشن کمیشن کی ڈسکہ الیکشن کی رپورٹ اِس بات کا ثبوت ہے کہ دھاندلی کی پیداوار عمران صاحب نے ڈسکہ الیکش چوری کیا ہے . مریم اورنگزیب کا کہنا ہے کہ الیکشن کمیشن کی رپورٹ پر فی الفور عمل درآمد کیا جائے اور تمام ذمےداران کے خلاف قانونی کارروائی کی جائے . انہوں نے کہا کہ ووٹ کے تھیلے چوری کرنے اور عملے کے اغوا کے ذمے دار عمران صاحب اور وزیر اعلی پنجاب ہیں، الیکشن کمیشن کی تحقیقاتی رپورٹ ادھوری ہے . مریم اورنگزیب نے کہا کہ واضح ہوگیا کہ عمران صاحب کی ایماء پر وزیراعلی پنجاب، وفاقی وزرا اور دیگر حکومتی رہنماؤں نے منظم انداز سے دھاندلی کے جرم کا ارتکاب کیا ہے . ان کا مزید کہنا تھا کہ دسکہ رپورٹ کی روشنی میں ماتحت عملے کے خلاف کارروائی پورا انصاف نہیں ہے، عمران صاحب اور وزیر اعلی پنجاب سمیت وفاقی اور صوبائی ذمے داران کے خلاف کارروائی کی جائے . مریم اورنگزیب نے کہا کہ غیر قانونی حکم ماننے والوں کے خلاف کارروائی کے ساتھ جنہوں نے یہ غیر قانونی حکم دیا، ان کے خلاف بھی کارروائی کرنے سے ہی انصاف کے تقاضے پورے ہوں گے . . .
