وفاقی وزارت داخلہ نے خیبرپختونخوا حکومت سے افغان طلباء کا ریکارڈ طلب کر لیا

پشاور (قدرت روزنامہ ) وفاقی وزارت داخلہ نے خیبرپختونخوا حکومت سے افغان طلباء کا ریکارڈ طلب کر لیا۔
نجی ٹی وی “دنیا نیوز” کے مطابق وفاقی وزارت داخلہ کے فارن نیشنل سیکیورٹی سیل نے سیکرٹری داخلہ خیبرپختونخوا کو خط لکھ کر صوبے میں افغان طلباء کا ریکارڈ طلب کیا ہے۔
خط میں کہا گیا ہے کہ فارن نیشنل سیکیورٹی سیل غیرملکیوں سے متعلق ڈیش بورڈ کو اپ ڈیٹ کر رہا ہے، خیبرپختونخوا میں زیر تعلیم تمام افغان طلباء کا ڈیٹا 27 مارچ تک ارسال کیا جائے۔
واضح رہے کہ وزارت داخلہ نے تمام افغان سٹیزن کارڈ ہولڈرز کو 31 مارچ تک پاکستان سے نکلنے کی ہدایت کر رکھی ہے۔
وزارت داخلہ نے اپنے بیان میں غیر قانونی طور پر مقیم تمام غیرملکیوں کو 31 مارچ تک ملک سے جانے کا حکم دیا تھا اور ملک نہ چھوڑنے پر یکم اپریل سے ملک بدر کرنے کی وارننگ دی تھی۔