چوری کرنے آنیوالا چور کنویں میں گرگیا، خود ہی کال کرکے ریسکیو کو طلب کرلیا
ساہیوال (قدرت روزنامہ )عارف والا کے نواحی گاوں میں چوری کی نیت سے آنے والا شخص کنویں میں گرگیا۔
نجی ٹی وی جیونیوز کے مطابق عارف والا کے علاقہ نواحی گاو ں 64 ای بی میں یہ حیران کن واقعہ پیش آیا۔
کھیتوں میں لگے ٹیوب ویل میں چوری کی نیت سے اندر جانے والا چور 60 فٹ گہرے کنویں میں گرگیا، چور نے مدد کے لئے کنویں سے ہی ریسکیو کو کال گھما دی جس کے بعد ریسکیو کے عملے نے لوکیشن ٹریس کرکے چور کو کنویں سے نکال کر ہسپتال میں منتقل کیا۔
متاثرہ شخص کی شناخت علی کے نام سے ہوئی جو قریبی گاو¿ں 46 ای بی کا رہائشی ہے۔
پولیس کے مطابق دوران تفتیش زخمی علی نے چوری کی نیت سے آنے کا اعتراف بھی کیا۔