ایک اور پاکستانی ادا کارہ نے اسلام کی خاطر شو بز انڈسٹری کو خیر باد کہہ دیا
کراچی(قدرت روزنامہ)پاکستان شوبز انڈسٹری سے وابستہ معروف اداکارہ غنیٰ علی کی شوبز انڈسٹری چھوڑنے کی خبریں گردش کرنے لگیں تو اداکارہ نے وضاحت پیش کر دی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے دو مختلف سٹوریز شیئر کیں۔انہوں نے شیئر کی گئی پہلی انسٹا سٹوری میں لکھا ہے کہ میں اسلام کی خاطر شوبز انڈسٹری کو خیرباد کہہ رہی ہوں، مجھے اور میری فیملی کو اپنی دعاؤں میں یاد رکھیں۔
مذکورہ انسٹا سٹوری کے بعد اداکارہ کے شوبز انڈسٹری سے کنارہ کشی کرنے کے حوالے سے خبریں گردش کرنے لگیں تاہم جلد ہی انہوں نے اس حوالے سے مزید وضاحت دے دی۔انہوں نے ایک اور انسٹاسٹوری شیئر کی اور شوبز انڈسری چھوڑنے کے حوالے سے گردش کرنے والی خبروں کو مسترد کر دیا۔
ش انہوں نے لکھا کہ میں فی الحال انڈسٹری نہیں چھوڑ رہی بلکہ پرانی انسٹا اسٹوری میرے بھائی نے مذاق میں شیئر کی تھی لیکن میں مستقبل میں انڈسٹری چھوڑنے کا ارادہ رکھتی ہوں تاکہ اپنے گھر اور بچوں پر توجہ دے سکوں۔واضح رہے کہ غنیٰ علی شادی اور پھر بچوں کی پیدائش کے بعد سکرین پر واپس آئیں۔طویل وقفے کے بعد انہوں نے ڈرامہ سیریل ’نقاب‘ میں زارا کے کردار سے واپسی کی۔