محسن نقوی کی نواز شریف اور مریم نواز سے ملاقات، خوارج سے نمٹنے کے عزم کا اعادہ

اسلام آباد (قدرت روزنامہ)پاکستان مسلم لیگ (ن) کے صدر محمد نوازشریف اور وزیر اعلیٰ پنجاب مریم نواز شریف سے وزیرداخلہ محسن نقوی کی ملاقات ہوئی جس میں باہمی دلچسپی کے امور پر تبادلہ خیال کیا گیا۔
ملاقات کے دوران پنجاب میں امن وامان کی عمومی صورتحال پر گفتگو کی گئی۔
علاوہ ازیں کچے کے علاقے اور صوبائی سرحدی چوکیوں کی صورتحال پر بھی تبادلہ خیال کیا گیا۔
اس موقعے پر رہنماؤں نے مل کر خارجی دہشتگردوں سے نمٹنے کے عزم کا اعادہ کیا اور امن و امان کی صورتحال میں بہتری کے لیے مربوط کاوشوں پر اتفاق کیا۔