ہم کچھ عرصے سے مواقع ضائع کر رہے ہیں، قومی کرکٹ کپتان محمد رضوان

اسلام آباد (قدرت روزنامہ)نیوزی لینڈ کے خلاف دوسرے ایک روزہ میچ میں شکست کے بعد محمد رضوان کا کہنا ہے کہ نیوزی لینڈ کی کنڈیشنز اچھی نہیں ہیں لیکن ہم کچھ عرصے سے اہم موقعوں کو ضائع کر رہے ہیں۔
میچ کے بعد گفتگو کرتے ہوئے محمد رضوان نے کہا فہیم اشرف اور نسیم شاہ نے بہترین بیٹنگ کی لیکن ہماری مجموعی کارکردگی مایوس کن رہی۔ انہوں نے مزید کہا کہ ہمارے بولرز سوئنگ نہیں کرسکے جبکہ نیوزی لینڈ کے بولرز نے اچھی بولنگ کی۔
محمد رضوان نے کہا کہ یہاں کی کنڈیشنز چیلنجنگ ہیں مگر یہ کوئی معذرت نہیں ہے۔
کپتان کا کہنا تھا کہ ہم بولنگ اور بیٹنگ کے پہلے10 اوورزمیں اچھےنہیں رہے۔
واضح رہے کہ نیوزی لینڈ نے ایک روزہ میچز کی سیریز کے دوسرے میچ میں پاکستان کو 84 رنز سے ہراکر سیریز میں فیصلہ کن برتری حاصل کرلی ہے۔ سیرز کا تیسرا اور آخری میچ 5 اپریل کو کھیلا جائے گا۔