گلوکارہ ماریا انیرا سعد بشیر کے ساتھ شادی کے بندھن میں بندھ گئیں
لاہور (قدرت روزنامہ) مشہور پاپ سنگر اور گیت نگار ماریا انیرا نے شادی کے بندھن میں بندھنے کی خوبصورت خبر مداحوں سے شیئر کر دی۔
ایکسپریس نیوز کے مطابق گلوکارہ نے سعد بشیر سے سادہ مگر خوبصورت انداز میں نکاح کیا۔ تقریب ایک قدرتی، سرسبز مقام پر منعقد ہوئی، جہاں بہار کی دھیمی دھوپ، پہاڑوں اور جھیل کے دل موہ لینے والے مناظر نے ماحول کو خوابناک بنا دیا۔
View this post on Instagram
ماریا نے پیسٹل پنک رنگ کا روایتی عروسی لباس زیب تن کیا جس پر نفیس چاندی کا کام اور ہلکے زیورات ان کی خوبصورتی میں اضافہ کر رہے تھے۔ ایک تصویر میں وہ اپنے شوہر سعد کے کندھے سے لگی مسکرا رہی ہیں جبکہ سعد ان کے ماتھے پر محبت سے بوسہ دے رہے ہیں۔
ماریا کے فینز اور شوبز ستاروں نے کمنٹس میں جوڑے کے لیے نیک تمناؤں کا اظہار کیا۔ کسی نے لکھا: “یہ تو کسی فلم کا سین لگ رہا ہے!” اور کسی نے کہا: “زندگی بھر کی خوشیاں مبارک ہوں!”
مداح اب ماریا کے اس نئے سفر سے متاثر ہو کر ان کے اگلے میوزیکل پروجیکٹس کا بے صبری سے انتظار کر رہے ہیں۔