رشمیکا مندنا نے اپنی 29ویں سالگرہ وجے دیوراکونڈا کے ساتھ اومان میں منائی؟
اداکارہ نے تاحال وجے کے ساتھ اپنے تعلقات کے حوالے سے باضابطہ اعلان نہیں کیا ہے
ممبئی(قدرت روزنامہ)جنوبی بھارتی اداکارہ رشمیکا مندنا نے اپنی 29ویں سالگرہ اومان میں چھٹیاں گزارتے ہوئے منائی جہاں وہ سمندر کنارے خوبصورت نظاروں سے لطف اُٹھاتی نظر آئیں۔
پشپا اسٹار نے فوٹو اینڈ ویڈیو شیئرنگ ایپلیکیشن انسٹاگرام پر اپنی چند تصاویر بھی پوسٹ کیں جس میں انہیں سمندر کنارے ریت پر بیٹھے پوز دیتے دیکھا جاسکتا ہے۔
View this post on Instagram
رشمیکا نے ان تصاویر کے ساتھ کیپشن میں لکھا کہ ’کچھ ساحل..کچھ ریت..کچھ ڈوبتا سورج..کچھ پھول اور ڈھیر ساری مسکراہٹیں آپ کی تمام محبتوں اور نیک خواہشات کے ساتھ، شکریہ آپ بہترین ہیں۔ میں آپ لوگوں کو آج کی پیاری ڈائری کل دکھاؤں گی‘۔
تاہم سوشل میڈیا صارفین اور اداکارہ کے مداحوں کو لگتا ہے کہ وہ اومان میں اکیلی نہیں بلکہ اپنے بوائے فرینڈ (جس کے بارے میں رشمیکا نے ابھی باقاعدہ اعلان نہیں کیا ہے) اداکار وجے دیوراکونڈا کے ساتھ وہاں چھٹیاں منا رہی ہیں کیونکہ وجے نے بھی چند ایسی ہی تصاویر پوسٹ کی ہیں جس میں وہ سمندر کنارے موجود ہیں۔
View this post on Instagram
سوشل میڈیا صارفین نے دونوں اداکاروں کی جانب سے پوسٹ کی گئی تصاویر میں مماثلت کو دیکھتے ہوئے یہ قیاس آرائیاں شروع کردی ہیں کہ رشمیکا اپنی سالگرہ کے موقع پر وجے دیوراکونڈا کے ساتھ اومان کے سیر سپاٹے کر رہی ہیں اور بےحد خوش ہیں۔
یاد رہے کہ اس سے قبل بھی پسپا اسٹار رشمیکا مندنا کو وجے دیوراکونڈا کے ساتھ کئی مرتبہ دیکھا جاچکا ہے اور ان کی دور سے لی گئی تصاویر بھی وائرل ہو چکی ہیں تاہم اداکارہ نے تاحال وجے کے ساتھ اپنے تعلقات کے حوالے سے باضابطہ اعلان نہیں کیا ہے۔