3 ججز کے آڈر میرے ہاتھ میں تھے لیکن بانی پی ٹی آئی سےملنے نہیں دیا گیا : عمر ایوب کھل کر بول پڑے

اسلام آباد ( قدرت روزنامہ ) 3 ججز کے آڈر میرے ہاتھ میں تھے لیکن بانی پی ٹی آئی سےملنے نہیں دیا گیا ۔اپوزیشن لیڈر عمر ایوب کھل کر بول پڑے۔

تفصیلات کے مطابق اپوزیشن لیڈر عمر ایوب نے پارلیمنٹ ہاؤس میں میڈیا سے گفتگو کرتے ہوئے کہا کہ 3 ماہ ہوگئے ہماری بانی پی ٹی آئی سے ملاقات نہیں کروائی گئی۔”جنگ ” کے مطابق اس موقع پر ایک صحافی نے ان سے پوچھا کہ کیا امریکہ سے آئے وفد کی بانی پی ٹی آئی سے ملاقات ہوئی ہے؟اس وقت اڈیالہ جیل کا سپرنٹنڈنٹ کورٹ کے آڈر نہیں مانتا۔

جس کا عمر ایوب نے جواب دیا کہ میرے پاس امریکہ سے آنے والے وفد سے متعلق کوئی اطلاع نہیں۔3 ماہ ہوگئے ہماری بانی پی ٹی آئی سے ملاقات نہیں کروائی گئی۔ اسلام آباد ہائیکورٹ کے 3 ججز کے آڈر میرے ہاتھ میں تھے لیکن ملنے نہیں دیا۔

عمر ایوب نے کہا کہ اعظم سواتی میرے بزرگ ہیں ان کی پارٹی کےلیے بڑی قربانیاں ہیں، ملاقات کے دوران اگر بانی پی ٹی آئی نے کوئی ہدایات دی ہوں تو وہ اس پر کام کر رہے ہوں گے۔اس وقت ہم دیکھ رہے ہیں ہمارا الائنس آگے جا کر کتنا پریشر ڈالے گا، اسٹیبلشمنٹ کی سیاست میں مداخلت نہیں ہونی چاہیے۔