پاکستان انڈر 23 ورلڈ سکواش کا چیمپئن بن گیا

کراچی ( قدرت روزنامہ )پاکستان انڈر 23 ورلڈ سکواش کا چیمپئن بن گیا۔

تفصیلات کے مطابق پاکستان کے نور زمان نے مصر کے کریم الترکی کو 2کے مقابلے میں3 گیم سے شکست دی۔پاکستان سکواش فیڈریشن اور سندھ سکواش ایسوسی ایشن کے زیر اہتمام ڈی ایچ اے کریک کلب میں کھیلی گئی چیمپئن شپ کے 5 گیمز پر مشتمل فائنل میں پاکستان کے نور زمان نے2صفر کے خسارے سے کم بیک کے بعد 3 سیٹ سے کامیابی حاصل کی۔

“جیو نیوز ” کے مطابق شاندار فتح کے بعد نور زمان کا کہنا تھا کہ 2 صفر کے خسارے کے بعد سوچ یہی تھی کہ اپنے گیم پر فوکس کروں، آخری وقت تک فائٹ کرنے کا ذہن میں تھا۔ بس سوچا تھا کہ جو محنت کی اس کو ثابت کروں۔

شوزیراعلیٰ سندھ نے انڈر23 ورلڈ سکواش چیمپئن شپ کا فائنل جیتنے پر نور زمان کو مبارکباد دی اور کہا کہ مقابلہ انتہائی دلچسپ تھا، دیکھنے میں بڑا لطف آیا، نور زمان نے بڑی مہارت سے کھیلا اور جیت اپنے نام کی۔