وزیرخزانہ نے آئندہ بجٹ میں تنخواہ دار طبقے کو ریلیف اور بجلی کی قیمتوں میں مزید کمی کی نوید سنا دی

اسلام آباد(قدرت روزنامہ)وفاقی بجٹ میں تنخواہ دار طبقے کے لیے خوشخبری سامنے آئی ہے جب کہ حکومت کی جانب سے بجلی مزید سستی کرنے کی نوید بھی سنائی گئی ہے۔

ذرائع کے مطابق وزیر خزانہ محمد اورنگزیب نے آئندہ بجٹ میں تنخواہ دار طبقے کو ریلیف اور بجلی کی قیمتوں میں مزید کمی کی نوید سنا دی ہے۔

میڈیا سے غیر رسمی گفتگو محمد اورنگزیب نے کہا کہ بجلی کے بلوں میں جولائی یا اس سے قبل مزید کمی کرنے پر کام جاری ہے، تنخواہ دار طبقے کو ریلیف کی تفصیلات آئی ایم ایف کو بتائی جائیں گی۔

ان کا کہنا تھا کہ بجٹ سازی کے لیے 98 فیصد تجاویز موصول ہوئیں ہیں۔ یکم جولائی کو حتمی بجٹ نافذ ہوگا بعد میں کوئی تبدیلی نہیں ہوگی۔

پاکستان اسٹاک ایکسچینج میں مندی، ہنڈرڈ انڈیکس 500 پوائنٹس گر گیا

وزیر خزانہ نے بتایا کہ آئی ایم ایف کی جانب سے دیے گئے تمام اہداف پورے کر لیے گئے ہیں۔ کچھ کی تکمیل اور تھوڑی تاخیر ہوئی لیکن وہ بھی مکمل کیے جا چکے ہیں۔ انہوں نے مزید بتایا کہ پاکستان کو ایک ارب ڈالر کی اگلی قسط اور کلائمیٹ فنانسنگ کی مد میں بھی فنڈز ملیں گے۔

وزیر خزانہ کا کہنا تھا کہ بجٹ کی تیاری کے لیے سرکاری اور نجی شعبے سے 98 فیصد تجاویز موصول ہو چکی ہیں جن پر حکومت اور نجی شعبہ مل کر کام کر رہے ہیں۔ بجٹ کو اسمبلی میں پیش کرنے سے قبل متعلقہ شعبوں کو آگاہ کر دیا جائے گا کہ کن تجاویز پر عمل درآمد ممکن ہو گا اور جن تجاویز پر عمل نہ ہو سکا، اس کی وجوہات بھی بتائی جائیں گی۔

انہوں نے کہا کہ یکم جولائی سے بجٹ حتمی شکل میں نافذ کر دیا جائے گا۔ اس کے بعد اس میں کوئی تبدیلی نہیں کی جائے گی تاکہ فوری عمل شروع کیا جا سکے۔

معاشی استحکام کے لیے اقدامات جاری

وفاقی وزیر خزانہ نے کہا ہے کہ معاشی استحکام کے لیے اقدامات جاری ہیں۔

میڈیا سے گفتگو میں وزیر خزانہ محمد اورنگزیب کا کہنا ہے کہ ہمیں انرجی ایفشنسی کی طرف جانا ہے، برآمدات کے فروغ سے ہماری معیشت مضبوط ہوگی۔

محمد اورنگزیب کا کہنا ہے کہ اسلام آباد میں بھی ایکسپو سینٹرہونا چاہیے۔

وفاقی وزیر خزانہ نے میڈیا سے گفتگو میں کہا کہ برآمدات پر مبنی معاشی ترقی کو فروغ دینا ہوگا، پاکستان کی اشیا میں بڑی بہتری آئی ہے۔

انہوں نے کہا کہ ہمارے پاس ایسی مصنوعات موجود ہیں جو گلوبل برانڈ بن سکتی ہیں۔