پراپرٹی ڈیلرز نے خاتون کو کاغذات دینے کے بہانے بلا کر ایسا کام کردیا کہ روح کانپ اٹھے
نئی دہلی (قدرت روزنامہ) بھارتی ریاست اتر پردیش کے ایٹاوہ میں دو پراپرٹی ڈیلرز نے ایک خاتون کو پراپرٹی کے کاغذات دینے کے بہانے اپنے دفتر بلایا اسے شراب پلانے کے بعد گلا گھونٹ کر قتل کر دیا اور لاش کو جلا کر دریا میں پھینک دیا۔ پولیس نے دریا کے قریب پانچ دن سے لاپتہ انجلی کی لاش برآمد کی۔ ملزمان شنویندر یادو اور گورو کے خلاف انجلی کے خاندان نے قتل کا مقدمہ درج کروایا تھا۔
این ڈی ٹی وی کی رپورٹ کے مطابق انجلی کے گھر والوں کو اس کی جلی ہوئی سکوٹر ایک نالے کے پاس ملی جس کے بعد انہوں نے پولیس میں شکایت درج کرائی۔ خاندان کا الزام ہے کہ ملزمان نے انجلی کو زمین کی فروخت کے لیے چھ لاکھ روپے لیے تھے اور دستاویزات دینے کے بہانے بلایا تھا۔
شرپورٹس کے مطابق ملزمان نے انجلی کے والد کو ویڈیو کال کر کے اس کی لاش دکھائی تھی۔ تفتیش کے دوران شنویندر یادو اور اس کے ساتھی نے جرم کا اعتراف کر لیا۔ پولیس نے مزید تحقیقات جاری رکھی ہوئی ہیں۔