وسیم اکرم کی حارث رؤف کے مزاحیہ انٹرویو کی ہندی میں نقل کی ویڈیو وائرل

لاہور(قدرت روزنامہ) قومی ٹیم کے سابق کپتان وسیم اکرم نے اینکر فخر عالم کے ساتھ مل کر نیوزی لینڈ کے خلاف پاکستان کی پانچ وکٹوں سے فتح کے بعد حارث رؤف کا انجم چوپڑا کے ساتھ میچ کے بعد کا انٹرویو دوبارہ بنایا۔ میچ کے بعد انٹرویو میں حارث رؤف بھارتی مبصر کے الفاظ کے چنائو پر الجھے ہوئے نظر آ رہے تھے کیوں کہ انجم چوپڑا ان سے ہندی میں سوالات کر رہی تھیں۔
حارث کے چہرے کے تاثرات سے صاف نظر آرہا تھا کہ وہ ہندی زبان سمجھنے سے قاصر ہیں اور سوشل میڈیا پر ان کے اس انٹرویو کے خوب چرچے رہے کیونکہ صارفین نے ان کے مزاحیہ انٹرویو کا لطف اٹھایا۔انٹرویو کی ویڈیو وائرل ہونے کے بعد سوشل میڈیا صارفین نے حارث کے چہرے کے تاثرات کو مختلف میمز میں تبدیل کر دیا ہے۔

قومی ٹیم کے سابق کپتان وسیم اکرم نے نجی ٹی وی کے پروگرام کے دوران حارث کے چہرے کے تاثرات کو مزاحیہ انداز میں نقل کیا۔

فخر عالم نے وسیم سے ہندی میں سوالات کیے جب کہ وسیم نے حارث کو ویڈیو میں نقل کیا۔

مزاحیہ ویڈیو فخر عالم نے اپنے سوشل میڈیا اکاؤنٹس پر اپ لوڈ کی تھی۔ سوشل میڈیا صارفین نے وسیم کی شاندار اداکاری سے لطف اٹھایا ،ویڈیو کو اب تک 10,000 سے زیادہ لائکس اور 1,500 سے زیادہ ری ٹویٹس مل چکے ہیں۔