نوکنڈی، راجے اور تالاپ کے غریب گاڑی مالکان کو انٹریاں دی جائیں، عوامی حلقے

نوکنڈی(قدرت روزنامہ)عوامی حلقوں نے ڈپٹی کمشنر چاغی اور کمانڈنٹ ماشکیل سے پرزور اپیل کی ہے کہ نوکنڈی، راجے اور تالاپ کے غریب گاڑی مالکان کو بھی انٹریاں جاری کی جائیں، جو کئی برسوں سے اس عمل کے منتظر ہیں۔ شہریوں کا کہنا ہے کہ وہ دالبندین کے بیروزگاروں کے لیے انٹریاں جاری کیے جانے کے ہرگز خلاف نہیں، مگر یہ حق دیگر علاقوں کے مستحق افراد کو بھی ملنا چاہیے تاکہ معاشی توازن برقرار رہے۔عوامی حلقوں کے مطابق دالبندین میں انٹریوں کی تعداد ان کے لیے مختص آٹھ دنوں سے کہیں زیادہ ہو چکی ہے اور اب بھی وہاں انٹریاں جاری کی جا رہی ہیں۔ اس کے برعکس نوکنڈی، راجے اور تالاپ کو ان کے مقررہ دنوں سے کم انٹریاں دی گئی ہیں نوکنڈی کے آخری دن 101 انٹریاں تالاپ کے 156 اور راجے کے 100 انٹریاں ہوتی ہیں لیکن یہاں پر اضافی انٹریوں کا وزیراعلیٰ نے نوٹیفکیشن بھی جاری کیے تھے لیکن تاحال اس پر کوئی عملدرآمد نہیں ہورہا۔ علاقہ مکینوں نے خدشہ ظاہر کیا ہے کہ اگر دیگر علاقوں کو مسلسل نظرانداز کیا جاتا رہا تو وہاں کے غریب عوام شدید معاشی بحران کا شکار ہو سکتے ہیں، ان کا کہنا ہے کہ ہم کسی احتجاج کی راہ پر جانے سے پہلے ایک بار پھر پ±رامن طریقے سے بالا حکام سے اپیل کرتے ہیں کہ دالبندین کے ساتھ ساتھ نوکنڈی، تالاپ اور راجے کے عوام پر بھی توجہ دی جائے، تاکہ ان کے گھروں کے چولہے بجھنے سے بچ سکیں شہریوں کا موقف ہے کہ روزگار کے مساوی مواقع فراہم کرنا حکومت کی بنیادی ذمہ داری ہے اور کسی ایک علاقے کو مسلسل ترجیح دینا دیگر علاقوں کے ساتھ ناانصافی کے مترادف ہے۔