وفاقی وزیرِ احسن اقبال کی وزیرِ اعلیٰ سرفراز بگٹی سے ملاقات، بلوچستان کی ترقی، وسائل کی تقسیم اور منصوبہ بندی پر مشاورت

کوئٹہ ( قدرت روزنامہ )وفاقی وزیرِ منصوبہ بندی احسن اقبال نے وزیرِ اعلیٰ بلوچستان سرفراز بگٹی سے ملاقات کی ہے ۔

تفصیلات کے مطابق کوئٹہ میں وزیرِ اعلیٰ سیکرٹریٹ میں ہونیوالی اس ملاقات میں کچھی کینال سمیت جاری ترقیاتی منصوبوں پر تفصیلی تبادلۂ خیال کیا گیا۔

“جنگ ” کے مطابق ملاقات کے بعد جاری ہونے والے اعلامیے کے مطابق ملاقات میں بلوچستان کی ترقی، وسائل کی تقسیم اور منصوبہ بندی پر مشاورت کی گئی۔احسن اقبال نے کہا ہے کہ وفاقی حکومت بلوچستان کے ساتھ مکمل تعاون کر رہی ہے۔

وزیرِ اعلیٰ بلوچستان نے کہا کہ ترقیاتی عمل میں وفاقی شراکتِ قابل تحسین ہے، صوبے میں جاری منصوبے عوامی فلاح کی سمت میں درست قدم ہیں۔

وفاقی و صوبائی ہم آہنگی سے بلوچستان کی ترقی یقینی بنائیں گے۔