غیر ملکیوں کے انخلاء کی تاریخ میں توسیع ہوگی یا نہیں ۔۔؟ طلال چوہدری نے بتا دیا

اسلام آباد (قدرت روزنامہ )غیر ملکیوں کے انخلاء کی تاریخ میں توسیع ہوگی یا نہیں ۔۔؟وزیرِ مملکت طلال چوہدری نے بتا دیا۔
وفاقی دارالحکومت میں پریس کانفرنس کے دوران وزیرِ مملکت طلال چوہدری نے کہا کہ 40 سال افغان بھائیوں کی دل کھول کر میزبانی کی، غیر ملکیوں کے انخلاء کی تاریخ میں توسیع نہیں ہوگی۔افغان حکومت سے وزارتِ خارجہ رابطے میں ہے۔

“جنگ ” کے مطابق انہوں نے کہا کہ یکم اپریل سے اب تک 84 ہزار 869 افغان باشندے واپس بھیجے جا چکے ہیں۔وزارتِ داخلہ میں آج افغان وفد سے ملاقات ہوئی، مسائل اور ان کے حل پر بات ہوئی، نائب وزیرِ اعظم کی قیادت میں ایک وفد افغانستان جارہا ہے۔