کراچی کنگز کے کپتان ڈیوڈ وارنر نے ٹی ٹونٹی کرکٹ میں 13,000 رنز مکمل کر لئے
کراچی(قدرت روزنامہ) پاکستان – کراچی کنگز کے کپتان ڈیوڈ وارنر نے ٹی ٹونٹی کرکٹ میں ایک اور اہم سنگ میل عبور کیا اور 13,000 رنز مکمل کر لئے۔ انہوں نے یہ اعزاز پی ایس ایل 10 کے ایک میچ میں پشاور زلمی کے خلاف حاصل کیا۔
وارنر نے اس میچ میں 47 گیندوں پر 60 رنز بنا کر اپنی ٹیم کی کامیابی میں اہم کردار ادا کیا۔ ان کی شاندار اننگز کی بدولت کراچی کنگز نے پشاور زلمی کے خلاف فتح حاصل کی۔
میچ کے بعد، ہوٹل کے ٹیم روم میں ڈیوڈ وارنر کے اعزاز میں ایک تقریب کا اہتمام کیا گیا، جہاں وارنر کے ٹی ٹونٹی کرکٹ میں 13,000 رنز مکمل کرنے کی خوشی میں ایک کیک کاٹا گیا۔
وارنر کی یہ کامیابی ان کی عالمی کرکٹ میں مسلسل عمدہ کارکردگی کا غماز ہے، اور ان کا یہ سنگ میل دنیا بھر کے کرکٹ شائقین کے لئے خوشی کا باعث بنا ہے-