وزیراعلیٰ پنجاب مریم نواز سے سابق نگران وزیر اعظم انوارالحق کاکڑ کی ملاقات
لاہور ( قدرت روزنامہ )وزیراعلیٰ پنجاب مریم نواز سے سابق نگران وزیراعظم انوار الحق کاکڑ نے ملاقات کی۔ وزیر اعلیٰ مریم نواز نے سابق نگران وزیراعظم انوار الحق کاکڑ کا خیر مقدم کیا۔ ملاقات میں باہمی دلچسپی کے امور پر تبادلۂ خیال،ملکی صورتحال، قیام امن اور صوبائی ترقیاتی پراجیکٹس پر بات چیت کی گئی۔ سابق نگران وزیراعظم انوار الحق کاکڑ نے وزیر اعلیٰ مریم نواز کے ویژن کو سراہا۔
وزیراعلیٰ مریم نواز نے سابق نگران وزیراعظم سے گفتگو کرتے ہوئے کہا کہ پنجاب میں نوجوانوں کو تعلیم، آئی ٹی ٹریننگ، انٹرنشپس اور روزگار کی سہولتوں سے ایمپاور کیا جا رہا ہے۔صحت کا شعبہ اور قیام امن پہلی ترجیحات میں شامل ہے۔
سابق نگران وزیراعظم انوارالحق کاکڑ نے پنجاب میں شعبۂ صحت میں جاری اصلاحات کو بھی سراہا۔
سابق نگران وزیر اعظم انوارالحق کاکڑ نے کہا کہ وزیر اعلیٰ مریم نواز نے صحت اور تعلیم کے شعبے میں انقلابی پراجیکٹس متعارف کرائے ہیں۔ وزیر اعلیٰ مریم نواز شریف پاکستان میں ویمن ایمپاورمنٹ کی زندہ مثال ہیں۔