کیا ماریہ بی نے ترکش خاتون ولاگر کے ساتھ واقعی مالی فراڈ کیا؟ دیکھئے ویڈیو
اسلام آباد (قدرت روزنامہ)آئے دن مختلف تنازعات کے باعث خبروں میں رہنے والی معروف پاکستانی فیشن ڈیزائنر ماریہ بی اب ایک نئے تنازع میں گھر گئیں۔
ترکش ڈیجیٹل کریئیٹر اور سوشل میڈیا انفلوئنسر ترکان آتائے نے ماریہ بی پر رقم کی نامکمل ادائیگی کے الزامات عائد کردیئے۔ پاکستان سے تعلیم حاصل کرنے اور پاکستانی مرد سے شادی کرنے والی ترکان آتائے جو اردو میں ولاگنگ کے باعث مشہور ہیں، نے ایک ویڈیو پیغام شیئر کرتے ہوئے ماریہ بی پر الزام عائد کیا ہے کہ ڈیزائنر نے ان کے ساتھ استنبول میں ہونے والے ایک فوٹو شوٹ کے بعد مکمل ادائیگی نہیں کی۔
View this post on Instagram
ترکان نے بتایا کہ 2025 میں ماریہ بی نے ان سے رابطہ کیا اور فیشن شوٹ کیلئے فی لباس معاوضے پر معاہدہ طے پایا، کیونکہ ترکی میں فوٹو شوٹس کے اخراجات ہر لباس کے حساب سے ہوتے ہیں۔ ترکاں نے بتایا کہ انہوں نے ماریہ بی کو مکمل کوٹیشن بھیجا، شوٹ کیا، مواد تیار کیا اور سوشل میڈیا پر پوسٹ بھی کیا، مگر ماریہ بی نے طے شدہ معاہدے کے مطابق مکمل ادائیگی نہیں کی۔
ترکان کے مطابق ماریہ بی کی ٹیم نے بعد میں کہا کہ وہ عام طور پر ریلس کے حساب سے ادائیگی کرتے ہیں، جو اصل معاہدے سے مختلف ہے۔ ترکاں کا کہنا ہے کہ تین ماہ گزرنے کے باوجود انہیں تاحال مکمل ادائیگی نہیں کی گئی اس لئے اب وہ کبھی دوبارہ ماریہ بی کے ساتھ کام نہیں کریں گی۔
View this post on Instagram
ترکان نے یہ بھی دعویٰ کیا کہ ماریہ بی نے ان سے ہونے والی چیٹ کے پیغامات ڈیلیٹ کر دیے، اور ان پر الزام لگایا کہ وہ معاملے کو مینیجر کے حوالے کر کے خود خاموش ہو گئیں۔ ترکاں نے کہا کہ ان کے پاس تمام اسکرین شاٹس محفوظ ہیں۔
دوسری طرف سوشل میڈیا اور ڈیجٹیل میڈیا پر ترکان کے الزامات سامنے آنے کے باوجود ماریہ بی کی طرف سے ان الزامات کی کوئی تردید یا تصدیق سامنے نہیں آئی ہے۔