محکمہ ایکسائز ٹیکسیشن اینڈ اینٹی نارکوٹکس کی بلوچستان کے مختلف علاقوں میں کاروائیاں،کروڑوں روپے مالیت کی منشیات برآمد

کوئٹہ(قدرت روزنامہ)محکمہ ایکسائز ٹیکسیشن اینڈ اینٹی نارکوٹکس کی بلوچستان کے مختلف علاقوں میں کاروائیاں۔انسدادِ منشیات کاروائیوں میں کروڑوں روپے مالیت کی منشیات برآمد۔محکمہ ایکسائزاینڈ ٹیکسیشن كے مطابق کارروائیوں میں پختہ چرس، آئس (شیشہ) افیون اور ہیروئن برآمد کرکے گرفتار ملزمان کے خلاف درجن سے زائد ایف آئی آرز درج کر لی گئی ہیں۔پسنی میں کارروائی کے دوران 19 کلو آئس (شیشہ) برآمد کی گئی۔جعفرآباد کی تحصیل ڈیرہ اللہ یار میں دو الگ کارروائیوں میں 3 کلو 200 گرام پختہ چرس اور ایک کلو آئس قبضے میں لی گئی۔لسبیلہ، مستونگ، صحبت پور ، پنگجور ، سوراب ، قلات ، خضدار ، ڈیرہ مراد جمالی میں کاروائیوں کے دوران 30کلو سے زائد چرس بر آمد۔بلوچستان کو منشیات جیسے ناسور سے پاک کرنے کے لیے تمام وسائل بروئے کار لائے جائیں گے۔