جرمن قونصل جنرل نے سیمی فائنل سے قبل پاکستانی کرکٹ ٹیم کی جرسی زیب تن کرلی
اسلام آباد (قدرت روزنامہ)جرمن قونصل جنرل ہوگلر زیگلر نے سیمی فائنل سے قبل پاکستانی کرکٹ ٹیم کی جرسی زیب تن کرلی ہے۔کراچی میں تعینات جرمن قونصل جنرل بھی پاکستانی کرکٹ ٹیم کی حمایت میں سامنے آگئےجرمن قونصل جنرل ہوگلر زیگلر نے کہا کہ آج کرکٹ کا بڑا معرکہ ہونے والا ہے۔
T20 World Cup Semi-Final: May the best team win!#PAKvAUS #cricket https://t.co/MEd3j235NH
— German Consul General Karachi (@GermanyinKHI) November 11, 2021
اُنہوں نے کہا کہ میں نے دوستوں کو بڑی اسکرین پر میچ دیکھنے کے لیے مدعو کرلیا ہے۔جرمن قونصل جنرل نے مزید کہا کہ خواہش ہے بہترین ٹیم میچ جیتے۔واضح رہے کہ پاکستان اور آسٹریلیا کی ٹیمیں آج ٹی ٹوئنٹی ورلڈ کپ کے دوسرے سیمی فائنل میں مدمقابل آئیں گی، دونوں ٹیموں کے مابین میچ دبئی میں پاکستانی وقت کے مطابق شام 7 بجے کھیلا جائے گا۔