پی ایس ایل 10: سب سے زیادہ رنز بنانے والا کھلاڑی کون، اور وکٹیں کس کی زیادہ ہیں؟

اسلام آباد (قدرت روزنامہ)پاکستان سپر لیگ (پی ایس ایل) 10 کا فائنل لاہور قلندرز نے جیت لیا ہے۔
پاکستان سپر لیگ کا فائنل لاہور کے قذافی اسٹیڈیم میں کھیلا گیا جہاں کوئٹہ گلیڈی ایٹرز نے ٹاس جیت کر پہلے بیٹنگ کرتے ہوئے مقررہ 20 اوورز میں 201 رنز اسکور کیے۔
جواب میں لاہور قلندرز نے ہدف آخری اوور میں 4 وکٹوں کے نقصان پر حاصل کرلیا، اور تیسری بار ٹائٹل اپنے نام کرنے میں کامیاب رہی۔
ایونٹ کے دوران سے زیادہ رنز بنانے والے کھلاڑی کا تعلق اسلام آباد یونائیٹڈ سے ہے۔ اسلام آباد یونائیٹڈ کے صاحبزادہ فرحان نے 449 رنز اسکور کیے اور اسکور ٹیبل پر سرفہرست ہیں۔
اسی طرح بولرز میں پہلا نمبر لاہور قلندرز کے کپتان شاہین شاہ آفریدی کا ہے، جنہوں نے 312 رنز دے کر 19 وکٹیں حاصل کیں۔
واضح رہے کہ پاکسان سپر لیگ کا فائنل 18 مئی کو لاہور میں ہونا تھا، تاہم پاکستان اور بھارت کے درمیان جنگ کی وجہ سے ایونٹ کو ملتوی کرنا پڑا اور سیز فائر کے بعد دوبارہ شیڈول جاری کیا گیا۔
پاکستان کرکٹ بورڈ نے پی ایس ایل فائنل کو پاکستان بحریہ کے نام کیا تھا، فائنل میں پہلی اننگز کے بعد تقریب کا انعقاد کیا گیا جس میں پاکستان بحریہ کو بھرپور خراج تحسین پیش کیا گیا، اور اسٹیڈیم پاکستان زندہ باد کے نعروں سے گونج اٹھا۔