کرونا وائرس کی چوتھی لہر زور پکڑنے لگی

لاہور(قدرت روزنامہ) کرونا وائرس کی چوتھی لہر زور پکڑنے لگی، ملک کے 22 اضلاع میں صورتحال تشویش ناک، 2 خطرناک ترین اضلاع میں کیسز کی شرح 20 فیصد سے تجاوز کر گئی۔ تفصیلات کے مطابق ملک بھر میں کرونا وائرس ایک بار پھر بے قابو ہونے لگا ہے، چاروں صوبوں کے 22 اضلاع کرونا کے حوالے سے اہم قرار دئیے گئے ہیں۔ان اضلاع میں سے ملک کے 2 اضلاع میں کرونا کیسز کی شرح 20 فیصد سے زائد ہے۔
ذرائع کے مطابق ملک میں کرونا کی بلند ترین 28.57 فیصد شرح جہلم میں ہے، جبکہ گلگت میں کیسز کی شرح 22.56 ہو گئی ہے۔ذرائع کے مطابق مظفر آباد میں کیسز کی شرح 14.79، میرپور 4.69 ، اسکردو میں 15.91 ،کراچی میں 14.27 ،حیدرآباد میں 5.88 ،وفاقی دارالحکومت میں مثبت کیسز کی شرح 6.49 ، پشاور میں 9 ، نوشہرہ میں 4.65 ، ایبٹ آباد میں 2.2، چارسدہ میں 1.20، مردان 1.86 ،صوابی میں 2.68 ، سوات میں 1.90 ، ملتان میں 1.44، بہاولپور میں 1.12 ، راولپنڈی میں 11.6، لاہور 3.58 ،گوجرانوالہ میں 1.37 جبکہ گجرات میں مثبت کیسز کی شرح 1.10 فیصد ہے۔

دوسری جانب این سی او سی کے مطابق پاکستان بھر میں کرونا مثبت آنے کی شرح 5.65 فیصد ہو گئی۔ گذشتہ چوبیس گھنٹوں کے دوران ملک بھر میں کرونا کی وجہ سے 39 اموات ہوئیں جبکہ کورونا کے مزید 2783 کیسز رپورٹ ہوئے۔ جس کے بعد ملک بھر میں کرونا سے مجموعی اموات کی تعداد 22 ہزار 720 ہوگئی جبکہ کرونا کے تصدیق شدہ کیسز کی تعداد 9 لاکھ 86 ہزار 668 ہوگئی ہے۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق پنجاب میں 3 لاکھ 49 ہزار 890، سندھ میں 3 لاکھ 54 ہزار 103، خیبر پختونخوا میں ایک لاکھ 40 ہزار 293، بلوچستان میں 28 ہزار 884، گلگت بلتستان میں 7 ہزار 288، اسلام آباد میں 84 ہزار 399 جبکہ آزاد کشمیر میں 21 ہزار 811 کیسز رپورٹ ہو چکے۔