مسلم لیگ (ن) میڈیا کی آزادی اور آزاد میڈیا پر یقین رکھتی ہے، عظمیٰ بخاری
انہوں نے کہا کہ صحافت کو اپنے مذموم مقاصد کے لئے استعمال کرنا ہر وردی اور بغیر وردی والے ڈکٹیٹر کا مشغلہ رہا ہے، جمہوریت کے لئے جتنی جدوجہد اور قربانیاں سیاستدانوں کی ہیں اتنی ہی صحافیوں کی ہیں، کنٹرولڈ میڈیا ڈکٹیٹر شپ کی پہلی نشانی ہوتا ہے . ان کا کہنا تھا کہ پرویز مشرف کے بعد عمران خان کے دور میں سب سے زیادہ صحافیوں نے آمرانہ ہتھکنڈوں کا مقابلہ کیا ہے، عمران خان کو میڈیا نے ہیرو بنایا پھر اسی عمران خان نے وزیر اعظم بننے کے بعد سب سے پہلے میڈیا کی زبان بندی کی، عمران خان کو ہر سچ بولنے والا اور ان کی کرپشن کے کارنامے بے نقاب کرنا والا صحافی اپنا دشمن لگتا ہے . پاکستان مسلم لیگ (ن) پنجاب کی ترجمان عظمیٰ بخاری نے مزید کہا کہ پاکستان کے میڈیا نے مشکل حالات میں حق اور سچ کا دامن ہاتھ نہیں چھوڑا، ہم شہزاد ذوالفقار، ناصر زیدی اور ذوالفقار مہتو سمیت تمام ورکنگ جرنلسٹ کی جدوجہد کو خراجِ تحسین پیش کرتے ہیں، مسلم لیگ (ن) جمہوریت پسند، اظہارِ رائے اور میڈیا کی آزادی کے لئے جدوجہد کرنے والوں کو سلام کرتی ہے . . .
