کولمبیا نے بھارتی سفارتی وفد کے بیان کی تردید کردی

کولمبیا(قدرت روزنامہ)کولمبیا نے بھارتی سفارتی وفد کے بیان کی تردید کردی۔
رپورٹ کے مطابق ذرائع بھارتی سفارتی وفد کے سربراہ کو عالمی سطح پر سبکی کا سامنا کرنا پڑا، بھارتی وفد عالمی سطح پر مزاق بن گیا۔
بھارتی وفد کے سربراہ ششی تھرور نے کولمبیا کے عہدیدار کی بات کا غلط مطلب نکال لیا، کولمبیا نے بھارتی حملے کے دوران معصوم شہریوں کی شہادت پر افسوس کا اظہار کیا تھا۔
بھارتی سیاستدان اور مصنف ششی تھرور نے کولمبیا کی ایک اعلیٰ عہدیدار کی گفتگو کو غلط طور پر سمجھا، کولمبیا کی عہدیدار نے اپنی گفتگو میں ہسپانوی زبان استعمال کی تھی۔
بھارتی وفد کے سربراہ ششی تھرور نے صحیح طور پر نہ سمجھتے ہوئے اس کا مطلب کچھ اور نکالا۔
اس واقعے نے میڈیا اور سوشل میڈیا پر بھی کافی بحث چھیڑ دی ہے، مختلف حلقے ششی تھرور کے بین الاقوامی تعلقات کی سمجھ بوجھ پر سوالات اٹھا رہے ہیں۔
بھارت میں مودی کی خارجہ پالیسی پر کڑی تنقید کی جا رہی ہے، بھارتی کانگریس کے رکن پون کھیرا نے بھی مودی حکومت کو آڑھے ہاتھوں لیا ہے۔
پون کھیرا نے کہا کہ کویت نے پاکستان پر ویزا پابندیاں ختم کر دیں، کولمبیا پاکستان کے ساتھ کھڑا ہے۔