بابراعظم کے ’آئی سی سی ٹیم آف دی ٹورنامنٹ‘ کا کپتان منتخب ہونے پر والد کا ردعمل

لاہور(قدرت روزنامہ)انٹرنیشنل کرکٹ کونسل (آئی سی سی) کی جانب سے پاکستانی کرکٹ ٹیم کے کپتان بابراعظم کو آئی سی سی ٹیم آف دی ٹورنامنٹ کا کپتان منتخب کیے جانے پر اُن کے والد اعظم صدیقی کا بھی رد عمل سامنے آ گیا ہے . فوٹواور ویڈیو شیئرنگ ایپلیکیشن انسٹاگرام پر بابراعظم کے والد اعظم صدیقی کی جانب سے ٹیم آف دی ٹورنامنٹ کی ایک تصویر شیئر کرکے کیپشن میں بیٹے بابراعظم کے اعزاز کو پاکستانی عوام کے نام کیا ہے .

اعظم صدیقی نے اپنی پوسٹ کے کیپشن میں لکھا ہے کہ ’یہ اعزاز قوم ملک پاکستان کے نام اور تمام تعریفوں کے مالک اللّٰہ پاک ہیں، اگر یہ فخر کا مقام ہے تو وہ پاکستانی قوم کا ہے‘ . انہوں نے اپنی پوسٹ کے کیپشن میں ’پاکستان زندہ باد‘ کا نعرہ بھی لکھا ہے . واضح رہے کہ گزشتہ روز آئی سی سی کی جانب سے ٹی ٹونٹی ورلڈ کپ کے بعد ٹیم آف دی ٹورنامنٹ کا اعلان کیا گیا تھا . آئی سی سی کی ٹیم آف دی ٹورنامنٹ کا کپتان پاکستان کے بابراعظم کو نامزد کیا گیا جب کہ 12 رکنی ٹیم میں کوئی بھارتی کھلاڑی شامل نہیں ہے . آئی سی سی کی جانب سے اس نامزدگی میں بابراعظم کے علاوہ قومی کرکٹر شاہین شاہ آفریدی بھی شامل ہیں . . .