حکومت صوبے میں قیام امن میں مکمل طورپر ناکام ہوچکی ہے، جمیل اکبربگٹی

کوئٹہ(قدرت روزنامہ)شہید نواب اکبر بگٹی کے صاحبزادے نوابزادہ جمیل اکبر بگٹی نے 10سالہ معصوم مصور کاکڑ کے اغواکے بعد بہیمانہ قتل پر افسوس کا اظہار کرتے ہوئے کہا ہے کہ حکومت عوام کے تحفظ کو یقینی بنا کر امن و امان برقرار رکھنے میں مکمل طور پر ناکام ہو چکی ہےکوئٹہ کے گنجان آبادعلاقے سے دن دیہاڑے ساڑھے 7ماہ قبل سکول جانے ہوئے 10سالہ مصور کاکڑ کو اغواکر کے اس کو قتل کر دیا گیا انہوں نے کہا کہ اس غم کے موقع پر ان کے اہلخانہ کے ساتھ برابر شریک ہیںاور اللہ تعالی سے دعا گو ہوں کے شہید مصور خان کاکڑ کو جنت الفردوس میں اعلی مقام اور ان کے والدین اہلخانہ اور عزیز اوقارب کو یہ صدمہ برداشت کرنے کی ہمت اور توفیق دے۔