سشمیتا سین کی سرجری نے مداحوں کو پریشان کردیا
اسلام آباد (قدرت روزنامہ)سابق مس انڈیا اور بالی ووڈ اداکارہ سشمیتا سین کی سرجری نے مداحوں کو پریشان کردیا۔حال ہی میں سشمیتا سین نے اپنی 46ویں سالگرہ منائی تھی جس کے لیے اُنہوں نے اپنے انسٹاگرام پر خصوصی پوسٹ شیئر کی تھی۔
View this post on Instagram
سشمیتا سین نے اپنی پوسٹ میں اُن تمام لوگوں کا شکریہ ادا کیا تھا جنہوں نے اداکارہ کو سالگرہ کی مبارکباد دی تھی اور ساتھ ہی اُن کے لیے نیک تمناؤں کا بھی اظہار کیا تھا۔اسی پوسٹ میں سشمیتا سین نے انکشاف کیا تھا کہ اُنہوں نے 16 نومبر کو اپنی سرجری کروائی تھی اور اب وہ بہتر محسوس کررہی ہیں۔
سشمیتا سین کے اس انکشاف نے مداحوں کو پریشان کردیا تھا جس کے بعد کمنٹ سیکشن میں تبصروں کا سمندر اُمنڈ آیا تھا۔کمنٹ سیکشن میں کسی نے سشمینا سین کی مکمل صحتیابی کے لیے دُعا کی تو کئی مداحوں نے اداکارہ سے اپیل کی کہ وہ اُنہیں سرجری کے حوالے سے مکمل تفصیلات فراہم کریں۔مداحوں کی پریشانی کو دیکھتے ہوئے سشمیتا سین نے اپنے انسٹاگرام اکاؤنٹ پر اپنا ویڈیو پیغام جاری کیا ہے۔
View this post on Instagram
سشمیتا سین نے اپنے مداحوں سے مخاطب ہوتے ہوئے کہا کہ ’آپ سب میری سرجری کا سن کر بہت پریشان ہوگئے لیکن میں بالکل خیریت سے ہوں۔‘اداکارہ نے کہا کہ ’اگر مجھے کچھ ہوتا یا میری صحت خراب ہوتی تو میں اس کی اطلاع ضرور دیتی۔‘
اُنہوں نے مزید کہا کہ ’میرے لیے پریشان نہ ہوں، میں صحتیاب ہورہی ہوں ، بس اس میں تھوڑا سا وقت لگے گا۔‘دوسری جانب سشمیتا سین نے اپنی سرجری کے حوالے سے کوئی تفصیلات فراہم نہیں کی۔
