جعلی ویڈیو اور آڈیو ن لیگ کا وتیرہ بن گیا، فواد چوہدری
فواد چوہدری کا کہنا تھا کہ جب بھی نواز شریف اور مریم نواز پر مقدمات آخری مراحل پر پہنچتے ہیں تو اسے سبوتاژ کرنے کی کوشش کی جاتی ہے، رانا شمیم نون لیگ کے عہدیدار تھے، ان کو گلگت بلتستان کا چیف جج لگایا گیا اور مرضی کے ایفیڈیوٹ لیے گئے . وزیر اطلاعات نے کہا کہ نواز شریف نے جائیدادیں بنائیں اور انٹرنیشنل اسکیم میں سامنے آئیں، رسیدیں مانگیں تو آئیں بائیں شائیں کرتے ہیں . انہوں نے مزید کہا کہ میں سمجھتا ہوں کہ آزادی اظہار رائے پر پابندی نہیں ہونی چاہیے، مریم نواز اگر سمجھتی ہیں کہ وہ آڈیوز ان کا کیس مضبوط کرسکتی ہیں تو عدالت جائیں . ان کا یہ بھی کہنا تھا کہ آئی ایم ایف کے ساتھ معاہدہ آخری مراحل میں ہے، پاکستان کے معاشی حالات میں بھی بہتری آئے گی . فواد چوہدری نے کہا کہ عالمی منڈی میں تیل کی قیمتوں میں کمی کا اثر ملک میں دو ماہ بعد پہنچتا ہے، اس ہفتے کھانے پینے کی چیزوں کی قیمتوں میں کمی آئی ہے، تیل کی قیمتیں مزید نیچے آنے سے مہنگائی کم ہونا شروع ہوگی . . .
