سپریم کورٹ کی سربراہی میں کمیشن بنا دیں جو طے کرے کہ بلڈنگز کیساتھ کیا کرنا ہے، سعید غنی
انہوں نے کہا کہ ماضی میں ہزاروں عمارتیں بن گئی ہیں ، جن لوگوں نے قبضہ کیا اور سرپرستی کی ان کو بھی پوچھیں ، مجھے لٹکا دیں یا جوبھی کریں،اس معاملے کو انسانی نکتے سے دیکھنےکی ضرورت ہے . وزیر اطلاعات سندھ نے کہا ہے کہ ملک میں جو مسئلہ ہو اسکی ذمہ دار سندھ حکومت ہے ، ہمارے پاس اتنی گندم ہوتی ہے جتنی سندھ کی عوام کو ضرورت ہو ، پنجاب کی گندم کی ہمیں کیا ضرورت ہے؟سعید غنی نے کہا کہ کہا جاتا ہے گندم بحران کی ذمہ دار سندھ حکومت ہے ، ہمیں جذباتی فیصلے نہیں کرنے چاہئیں،سوچنا چاہیے ، جن لوگوں نے فلیٹ خریدے ان کا کیا قصور ہے؟ انہوں نے کہا کہ سپریم کورٹ کے جج کی سربراہی میں کمیشن بنا دیں ، کمیشن طے کرے کہ بلڈنگز کےساتھ کیا کرنا ہے . دوسری جانب چیئرمین آباد محسن شیخانی کا کہنا تھا کہ سندھ گورنمنٹ کی یقین دہانی تھی ریگولرائزیشن کریں گے ، بلڈنگز بنانے پر قانون سازی ہونی چاہیے ، جو ادارے زمین الاٹ کرتے ہیں ان سے کوئی پوچھنے والا نہیں ، ہمارا مقصد احتجاج ریکارڈ کروانا تھا،ہم کیا دہشتگرد تھے . انہوں نے کہا کہ سب اپنی نوکری بچارہے ہیں،شہر کو ہم تباہ کررہےہیں ، کراچی کے ساتھ ظلم ہورہا ہے ، ایک ملک میں 2،2 قانون نہیں چل سکتے ، چاہتے ہیں شہر کی بات کریں ، پرامن احتجاج کریں تو لاٹھی چارج ہوتا ہے ، احتجاج کیلئے کھڑا نہیں ہونے دیا گیا،یہ کہاں کا انصاف ہے . محسن شیخانی نے کہا کہ شہر میں آج بھی غیر قانونی بلڈنگز بن رہی ہیں ، ہمیں ہر طرح سے دباؤ ڈالا جارہا ہے،کاروبار کیسے ہوگا ، قانون بنانے کا مطالبہ تھا ، بلڈنگ توڑنے کے بعد کہا جاتا ہے بلڈر پیسے دےگا . چیئرمین آباد محسن شیخانی نے کہا کہ ہم نے کام بند کردیا ،حکومت کو بتانا ہے ہمارے مطالبات کیا ہیں ، این او سی دینے کے بعد بلڈنگ گرانے کے آرڈر آتے ہیں . . .
