فواد صاحب عوام کی بے بسی کا مذاق نہ اڑائیں، مریم اورنگزیب
اسلام آباد (قدرت روزنامہ)ترجمان مسلم لیگ (ن) مریم اورنگزیب کی جانب سے فواد چوہدری کے بیان پر ردِ عمل دیتے ہوئے کہا گیا ہے کہ کر کے آٹے، چینی، بجلی، گیس، دوائی کی قیمت کم نہیں ہوگی۔مریم اورنگزیب کی جانب سے وزیر اطلاعات فواد چوہدری کے ٹوئٹ کے جواب میں ٹوئٹر پر ردِ عمل دیا گیا ہے۔
مریم اورنگزیب نے اپنے ٹوئٹ میں کہا ہے کہ ٹوئٹ کر کے کونسے ملک کے آٹے، چینی، بجلی، گیس، سبزیاں سستی ہونے کی اطلاع دے رہے ہیں، فواد صاحب جھوٹے ٹوئٹ کرنے کے بجائے عمران صاحب سے کہیں کہ وہ وزیراعظم آفس سے باہر نکلیں، ملک بھر سے آئے تاجر احتجاج کر رہے ہیں، عوام کی مفلسی بے بسی کا مزید مذاق نہ اڑائیں۔
ٹویٹ کرکے آٹے، چینی، بجلی، گیس، دوائی کی قیمت کم نہیں ہو گی عوام کی مفلسی بے بسی کا مزید مذاق نہ اڑائیں عوام کی فریادیں، مطالبات اور بددعائیں سنیں
ٹویٹ کر کے کون سے ملک کے آٹا چینی بجلی گیس سبزیاں سستی ہونے کہ اطلاع دے رہے ہیں https://t.co/vchpAcB2a6— Marriyum Aurangzeb (@Marriyum_A) November 30, 2021
مریم اورنگزیب کا کہنا تھا کہ عمران صاحب باہر آئیں اور احتجاج کرنے والے اساتذہ کے مطالبات سنیں، پارلیمنٹ ہاؤس کے باہر موجود سرکاری ملازمین کے احتجاج کا جواب دیں، آج ڈاکٹرز، طلبہ، اساتذہ، تاجر سب سڑکوں پر ہیں۔
اُن کا کہنا تھا کہ صنعت کار، مزدور، سرکاری ملازمین اور مظلوم عوام عمران صاحب کے ظلم کے خلاف سراپا احتجاج ہیں۔
کیوں جھوٹ بولتے ہیں ، کیوں عوام کی بے بسی ، غربت اور مفلسی کا مزاق اڑاتے ہیں ؟ کیوں عوام کو کچھ دے نہیں سکتے تو کم از کم زبان ہی بند رکھیں آٹا چینی بجلی گیس دوائی اب عمران مافیا کے جانے سے اب مہنگائی کم ہوگئ
— Marriyum Aurangzeb (@Marriyum_A) November 30, 2021
انہوں نے فواد چوہدری کو مخاطب کرتے ہوئے مزید کہا کہ آپ کیوں جھوٹ بولتے ہیں، کیوں عوام کی بے بسی، غربت اور مفلسی کا مزاق اڑاتےہیں ؟ کیوں؟ عوام کو کچھ دے نہیں سکتے تو کم از کم زبان ہی بند رکھیں، آپ عوام کی فریادیں، مطالبات اور بد دعائیں سنیں۔