موسم سرما کا اہم پھل شریفہ جس کےفوائد آپ کو حیران کر دے

اسلام آباد (قدرت روزنامہ)موسم سرما کے اس اہم پھل سے سب ہی واقف ہیں مگر صحت کے لئے اس کی افادیت کتنی ہے یہ ہر کوئی نہیں جانتا۔ شریفہ باہر ابھار لئے ہوئے قدرے سخت سبز رنگ کا ہوتا ہے جبکہ اندر سے سفید رنگ کا میٹھا مادہ جو کہ سیاہ بیجوں کے گرد لپٹا ہوتا ہے پکا ہوا پھل نہایت میٹھا اور نرم ہوتا ہے۔
شریفہ کو انگریزی میں کسٹرڈ ایپل کہا جاتا ہے اس کی وجہ اس کا کریمی گودا جسے اکثر چمچ کے ساتھ کھایاجاتا ہے۔ یہ پھل کئی صحت بخش اجزاء جیسے فائبر، وٹامنز اور منرلزسے مالامال ہوتا ہے یہ صحت بکھیرتے اجزاء قوت مدافعت بڑھانے جسم کی اندرونی سوزش کو کم کرنے اور آنکھوں اور دل کی صحت کو بر قرار رکھنے میں اہم کردار ادا کرتے ہیں۔

تاہم اس میں کچھ ایسے زہریلے مادے بھی موجود ہو تے ہیں جو زیادہ مقدار میں استعمال کرنے پر اعصابی نظام کے نقصان کا باعث بن سکتے ہیں۔

اینٹی آکسیڈینٹ

یہ اینٹی آکسیڈینٹس سے بھر پور ہونے کی بنا پر جسم کو آزاد رڈیکلز سے تحفظ فراہم کرتے ہیں جو کئی دائمی بیماریوں جیسے امرض قلب اور کینسرکا سبب بن سکتے ہیں۔
جبکہ ایک مطالعے سے بات سامنے آئی ہے کہ اس پھل کا چھلکا اور گودا دونوں ہی اینٹی آکسیڈینٹس حاصل کرنے کے بہترین ذرائع ہیں چھلکے میں موجود مرکبات آکسیڈیٹیو نقصان کو روکنے میں موئثر ثابت ہوسکتا ہے۔

مزاج کو بہتر بنائیں

شریفہ وٹامن بی چھ حاصل کرنے ایک بہترین ذریعہ ہے یہ دماغ میں نیورو ٹرانسمیٹر جیسے سیروٹونن اور ڈوپامائن کی افزائش میں مدد فراہم کرتا ہے جو آپ کے مزاج کو بہتر کرنے میں اہم کردار ادا کرتے ہیں۔ اگر یہ وٹامن جسم میں کم ہو تو موڈ کی خرابی آپ کو ڈپریشن کے عارضے میں مبتلا کر سکتی ہیں۔

بینائی بہتر بنائیں

اس میں موجود لیو ٹین نامی اینٹی آکسیڈینٹس موجود ہوتا ہے جو بینائی کو بہتر بنانے میں مدد دیتا ہے اسے غذا میں شامل رکھنے سے آپ اس مرض سے کسی حد تک محفوظ رہ سکتے ہیں۔
بلڈ پریشر کو کنٹرول میں رکھے
اس میں موجود پوٹاشیم اور میگنیشیم دونوں خون کی نالیوں کو سخت اور تنگ ہو نے سے بچاتے ہیں اس طر ح خون کی گردش رواں رہتی ہے جو بلڈ پریشر کو بڑھنے سے بچاتی ہے۔