شعیب اور ثانیہ او ٹی ٹی پلیٹ فارم کا حصہ بن گئے

اسلام آباد (قدرت روزنامہ)پاکستانی کرکٹر شعیب ملک اور ٹینس اسٹار ثانیہ مرزا بھی پاکستانی او ٹی ٹی کا حصہ بننے جارہے ہیں۔

اس حوالے سے اپنے سوشل اکاؤنٹ سے دونوں شخصیات نے باقاعدہ طور پر اعلان بھی کیا ہے۔اس ویڈیو میں سنا جاسکتا ہے کہ شعیب ملک اور ثانیہ مرزا جلد ہی پاکستانی اسٹریمنگ ویب سائٹ ’اردو فلیکس‘ کا حصہ بننے کے حوالے سے بتارہے ہیں۔

دونوں شخصیات نے اردو فلیکس پر اپنے پہلے پراجیکٹ کا اعلان کرتے ہوئے ساتھ کام کرنے کا بھی بتایا ہے۔تاہم انہوں نے واضح نہیں کیا ہے کہ یہ پراجیکٹ کس نوعیت کا ہوگا صرف اندازہ لگایا جاسکتا ہے کہ یہ ویب سیریز بھی ہوسکتی ہے یا پھر کوئی ڈاکیومنٹری بھی ہوسکتی ہے۔لیکن اس حوالے سے مزید جاننے کے لئے ہمیں انتظار کرنا ہوگا ۔